Kryetari i PD-së, Lulzim Basha e ka quajtur “pazar të pisët” zgjedhjen e Ilir Metës në postin e presidentit.
Në ditën e 70-të protestës Basha tha se sot Edi Rama firmosi dështimin total për reformën në drejtësi.
“Këta e konsiderojnë gjithçka çifligun e tyre. Pasi i hoqën me ligj çdo kompetencë dhe e shndërruan në një zyrë me më pak fuqi veprimi se një post drejtori Vlorë e trajtojnë si një plaçkë për të kënaqur orekset dhe për të mbyllur pazarin e pisët me atë të cilit mendojnë se do asgjësojnë demokracinë.
Rruga e vetme e shpëtimit është qeveria teknike si garante e zgjedhjeve të lira e të ndershme përfshi votimin dhe numërimin elektronik dhe më pas Vettingun që ai bën sikur e do dhe që ai i trembet si vampiri dritës së diellit. Qeveri teknike dhe ditën e parë të kësaj qeveri vettingun e vërtetë”, tha Basha.
