Komisioni i Ligjeve miratoi marrëveshjen për ndërtimin e segmenteve të mbetura të aksit nacional Tiranë-Elbasan, investim në vlerën e 35 milion dollarëve.
Deputeti socialist Pandeli Majko, tha se në këtë mënyrë po krijohet një preçedent i rrezikshëm.
“ Për 4 km na duhen 35 milion dollarë, ky ëhstë një precedent shumë i rrezikshëm. Kam një dyshim jashtëzakonisht të madh me thënë të drejtën, më duket sikur rruga Tiranë-Elbasan rrezikon të kthehet apo të konsiderohet një varrezë lekësh”, tha Mjako.
“Në kushtet aktuale me buxhetin aktual, me mundësitë aktuale po bëjmë maksimumin e mundshëm për të përfunduar ato prioritete që janë më esenciale se të tjerat”, tha Dervishaj.
Ministria e Transporteve sqaron se nuk bëhet fjalë për 4 km, por për 14 km ndërhyrje në skarpate, ndërhyje në Mullet dhe në Ibë ku ka patur rrëshqitje të dheut.
