Ministri i Energjisë dhe Industrisë, Damian Gjiknuri deklaroi se një qeveri e zgjedhur nga populli largohet vetëm me votat e popullit.
I pranishëm në bashkinë e Konsipolit ku ka inspektuar punimet për ndërtimin e “Unazës Ekonomike”, Gjiknuri tha se vendi ka nevojë për stabilitet, vendi ka nevojë për rotacion normal politik dhe jo rotacion të dhunshëm apo presione që vijnë nga dhuna.
Ndërsa kërkesën e opozitës për qeveri teknike Gjiknuri e quajti në kundërshtim me ata çfarë do populli.
“Çdo formë tjetër është në kundërshtim me atë çka dëshiron masa e njerëzve, çka dëshiron biznesi dhe çka dëshiron i gjithë populli shqiptar për rrugën evropiane të Shqipërisë. Duhet stabilitet, ndërtim i shtetit dhe vazhdimi i reformave, që në fund të fundit po japin rezultat”– u shpreh ministri i Energjitikës.
