Ministri i Jashtëm Ditmir Bushati theksoi se LSI ka shprehur një pikëpamje për zgjidhjen e krizës që nuk është e njëjtë me PS, pasi pikëpamja e PS është e bazuar në Kushtetutë.
Bushati i bëri thirrje partisë Demokratike që të respektojë marrëveshjen për të cilën votoi në korrik të një viti më parë, për reformën në drejtësi, teksa përsëriti se partia Socialiste do të shkojë në zgjedhje, me ose pa LSI.
“Shkodra është e shquar për shumë gjëra, por edhe për sport, është njëlloj si të thuash një ekip nuk është gati për të marrë pjesë në Botëror apo Europian, është në dorë të ekipeve për të marrë pjesë“.
Deklaratat e Bushatit u bënë gjatë prezantimit të një projekti “Wikiacademy- Shqipëri” për trajnimin e të rinjve në përdorimin e platformave dixhitale.
