Kryeministri Edi Rama ka bërë publike rezolutën e Partive Popullore Europiane dhe qëndrimin e Partisë Demokratike, e cila është pjesë e PPE-së.
Me anë të një postimi në facebook, Rama publikon rezolutën e PPE-së, për të cilën PD nuk e dha votën e saj.
“PPE inkurajojnë të gjitha forcat politike të marrin pjesë plotësisht në proceset demokratike dhe në insititucionet e vendeve të tyre respektive, si edhe të fokusohen në reformat strukturore, për të cilat ekonomia e tyre ka nevojë urgjente. PPE thekson nevojën urgjente në Ballkanin Perëndimor, për të ecur përpara me reformën në drejtësi, me vendosjen e sundimit të ligjit dhe një gjyqësor të pavarur e transparent…”, shkruan Kryeministri.
Një ditë më parë, në Kongresin e PPE-së u votua rezoluta për Ballkanin Perëndimor.
