Cristiano Ronaldo ka prerë shiritin e aeroportit të tij të ri në Madeira. Riemërtimi i aeroportit të Madeiras, tashmë i quajtur “Aeroporto Cristiano Ronaldo”, nuk është pritur mirë nga të gjithë por Ronaldo foli me krenari teksa i tha atyre që ishin kundër se nuk e kishte kërkuar vetë këtë nderim.
Cermonia u shoqërua me një bust bronzi që ndodhet jashtë terminalit. Por busti ka bërë që rrjetet sociale të reagojnë menjëherë dhe me siguri në ditët në vazhdim do të ketë ‘meme’ të pafundme rreth këtij busti të shëmtuar.
“Të shoh këtë aeroport të marrë emrin tim është diçka tepër e veçantë, të gjithë e dinë se unë jam krenar për vendin tim dhe sidomos qytetit ku kam lindur. Falënderoj presidentin e rrethit i cili kishte kurajën për ta bërë këtë punë. Miku im, unë kurrë nuk ta kam kërkuar këtë, por nuk jam hipokrit, jam i lumtur dhe i nderuar. E di që disa njerëz nuk janë dakord. Do të mundohem të nderoj Portugalinë dhe sidomos Madeiran me një shpirt sakrifice, dinjiteti dhe pasion”, shprehet Ronaldo gjatë ceremonisë.
