“Droga që vjen në Itali nga Shqipëria, është një fenomen mjaft shqetësues”
Kështu ka deklaruar Prokurori i Përgjithshëm i Antimafias Italiane, Franco Roberti në një prononcim para gazetarëve.
Gjithashtu ai tha se nga Shqipëria vijnë tonelata drogë drejt rajonit të Puglias dhe Kalabrisë.
“Pak kohë më parë kryem një vizitë pune në Shqipëri së bashku me prokurorët e qyteteve të Bari, Lecce e Catanzaro. Kërkuam të takoheshim me kolegët shqiptarë pikërisht për të nxitur një bashkëpunim më të ngushtë me ta, si dhe për të nxituar më shumë hetimet në territor, pasi kishim verifikuar një rritje të ndjeshme të trafikut të drogës nga Shqipëria drejt rajonit të Puglias dhe Kalabrisë. E flasim për tonelata droge, pasi vetëm një ditë më parë mbërritjes sonë në Tiranë u verifikuar një feomen i tillë” tha kreu i antimafias italiane.
