Presidenti Nishani ka 48 orë kohë për të dekretuar datën e zgjedhjeve në Kavajë
Gjykata Kushtetuese ka zbardhur vendimin mbi kërkesën e ish-kryebashkiakut të Kavajës, Elvis Rroshi, i cili kërkoi shfuqizimin e vendimit për shkarkimin e tij nga detyra. Në vendimin e Gjykatës Kushtetuese thuhet: “Nuk jemi në rastin kur shqyrtojmë vendimin e qeverisë”.
Votimi i gjyqtarëve ka qenë unanim. Pro shkarkimit të Rroshit si kryebashkiak dhe rrëzimit të kërkesave që ai kishte bërë, kanë votuar gjyqtarët: Bashkim Dedja, Vladimir Kristo, Vitore Tusha, Altina Xhoxhaj, Fatmir Hoxha, Gani Dizdari, Besnik Imeraj, Fatos Lulo.
Sipas Gjykatës Kushtetuese, Presidenti Nishani ka 48 orë kohë për të dekretuar datën e zgjedhjeve në Kavajë, të cilat duhet të mbahen brenda 45 ditëve.
