Deputetja e LSI, Monika Kryemadhi nuk i ka kursyer edhe sot kritikat ndaj ministres së Arsimit, Lindita Nikolla ne lidhje me reformën në arsim.
Gjatë një takimi që pati me të rinjtë e LRI në Pezë, Kryemadhi u tha atyre: “… Asnjëherë mos bëni kompromis në kurriz të dijeve tuaja pasi ministrat dhe deputetët ikin dhe vijnë dhe ajo çka ju mbetet është arsimimi i mirë.”
Më tej ajo u tha të rinjve mos besoni kurrë se ai që ka më shumë pushtet ka gjithmonë të drejtë.
“Asnjëherë mos bëni kompromis në kurriz të dijeve tuaja. Ministrat dhe deputetët ikin dhe vijnë dhe ajo çka ju mbetet është arsimimi i mirë. Besoni gjithmonë në bindjet dhe idetë tuaja dhe kurrë mos besoni se ai që ka më shumë pushtet ka gjithmonë të drejtë“, është shprehur Kryemadhi përpara të rinjve.
Kjo replikë në distancë me ministren e Arsimit e deputetes së LSI-së vjen një ditë pasi Kryemadhi i kërkoi nga Lezha ministres Nikolla që të mos përsëriten gabimet e vitit të kaluar në maturën shtetërore.
