Policia greke ka sekuestruar 14 muajt e fundit rreth 13 ton kanabis, pjesa dërrmuese e të cilit vinte nga Shqipëria.
Që prej shkurtit të vitit 2016 e deri në shkurt të këtij viti, autoritetet greke kanë sekuestruar sasinë e kanabisit të përpunuar dhe paketuar në operacione të ndryshme të kryera gjatë një viti.
Vlera pothuajse e gjithë sasisive e kanabisit të përpunuar e kapur prej Antidrogës e ka origjinën nga Shqipëria, ndërsa kultivuesve vendas të drogës iu gjetën dhe sekuestruan 55.470 rrënjë kanabis.
Burime të policisë greke bëjnë me dije se kanabisi i ardhur nga Shqipëria ka sunduar tregun vendas të drogës gjatë këtij viti, për shkak të çmimit tepër të lirë të tij dhe sasisë tepër të madhe të disponuar prej trafikantëve.
