Gjykata e liroi deputetin socialist nga masa e sigurisë “arrest shtëpie”. Ai akuzohet për tri vepra penale, “armëmbajtje pa leje”, “plagosje me armë” dhe “kanosje për jetën”
Deputeti socialist Armando Prenga, është kthyer në Kuvend, pasi Gjykata e Lartë vendosi ta lirojë. Armando Prenga u arrestua në shtatorin e vitit që shkoi i akuzuar për veprën penale, për “armëmbajtje pa leje”, “plagosje e lehtë” dhe “kanosje për jetën”, por sot ai është shfaqur në Komisionin Pralamentar të Sigurisë. Pas vendimit të Gjykatës së Lartë e cila ndryshoi masën e sigurisë me detyrim me paraqitje, deputeti socialist, i kthehet normalisht jetës parlamentare.
Deputeti socialist u arrestua në shtator të vitit që shkoi, pasi u përfshi në një konflikt me familjen Çali nga Patoku, për Lagunën e Patokut. Si rrjedhoje e konfliktit dy persona mbetën të plagosur ndërsa sipas prokurorisë deputeti ka qëlluar me një armë të cilën nuk e kishte me leje. Për këto akuza, Armando Prenga ende nuk është shpallur i pafajshëm por gjykata ka vendosur ta lirojë edhe nga masa “arrest shtëpie” pasi për ta nuk paraqet rrezikshmëri shoqërore. Megjithse një ndër akuzat që rëndojnë mbi deputet është edhe ajo e kanosjes me jetë ndaj familjes Cali.
