Kreu i PD-së, Lulzim Basha, ka deklaruar se opozita nuk tërhiqet nga kushti i saj për qeveri teknike që do garantonte zgjedhje të lira dhe të ndershme në 18 qershor.
Gjatë drekës së punës me ambasadorët e vendeve të BE, Basha tha se diskutuam për gjendjen politike në vend dhe duke i bërë të qartë vendimin tonë për të mos u tërhequr nga beteja qytetare për zgjedhje të lira dhe të ndershme deri në realizimin e një qeveri teknike.
“Bashkëbisedimi ishte shumë i frytshëm, dashamirës, mbështetës për qëllimet europiane dhe europianizuese të qëndresës, të lëvizjes tonë popullore dhe unë, besoj edhe kryetarët e partive të tjera të koalicionit ndahemi dhe nga kjo drekë me shumë optimizëm dhe akoma me më shumë vendosmëri për t’i shkuar deri në fund kauzës sonë“, tha Basha.
Pyetjes lidhur me mungesën e ambasadores Vlahutin edhe në takimin e sotëm, Basha iu përgjigj me një urim për Ditën e Verës drejtuar gazetarëve dhe medias në terësi.
