Nga Julian Hoxhaj
Albano Idrizi kryetari i Klubit të Patriotëve të Rinj të PDIU-së u bën thirrje të rinjve të bashkohen me KPR
Nga qyteti i Elbasanit, Partia Drejtësi Integrim dhe Unitet, ka nisur zgjedhjet edhe për Krytarin e Klubit të Patriotëve të Rinj. Në një takim ku merrnin pjesë Kryetari i KPR-së Albano Idrizi, Kryetari i PDIU-së për Elbasanin Servo Mehmeti, Kryetarja e Forumit të Gruas së PDIU-së Alketa Ipeku, qindra të rinj dhe të reja, anëtar dhe të bashkuar rishtaz në KPR, votuan unanimisht Arbër Fetah, për Kryetar të Klubit të Patriotëve të Rinj, të PDIU-së në Elbasan.
Duke falenderuar të pranishmit për pjesëmarrjen, Kryetari i PDIU-së për Elbasanin Servo Mehmeti, u shpreh para të rinjve se: “Sot është një ditë e rëndësishme për ju, sepse ju do të zgjidhni kryetarin tuaj. Ju shihni tek PDIU një vlerë dhe kontribut për të ardhmen e vendit tonë, sepse ju jeni vetë e ardhmja”. – tha Kryetari i PDIU-së Servo Mehmeti.
Edhe Kryetarja e Forumit të Gruas Alketa Ipeku vlerësoi kontributin e të rinjve tek PDIU, ndërsa shtoi se “PDIU është parti e kauzave, e vlerave, ndaj ju keni mundësi, që duke mbështetur PDIU mbështesnin vlerat dhe të ardhmen e kombit tonë”.
Ndërsa Albano Idrizi Kryetari i KPR-së tha se “qyteti i Elbasanit ka qenë një shtëpi e ngrohtë për PDIU-në dhe në këtë qytet synohet trefishimi i mandateve.”-tha Idrizi.
Më tej ai shtoi se KPR-ja është një forum ndryshe nga forumet e partive të tjera. Nga qyteti juaj ftoj të na bashkohen të gjithë të rinjtë, sepse tek ne do të ndihen të vlerësuar dhe të respektuar. Shpirti dhe zemra e PDIU-së është forumi rinor. Vëmendja për Forumin Rinor këtej e tutje do të jetë shumë e madhe. Një pjesë e emrave në listat e kandidatëve për deputet të PDIU-së do të jenë emra të përzgjedhur nga KPR”-përfundoi Kryetari i Klubit të Patriotëve të Rinj.
