Forca të shumta policia nga Elbasani dhe Tirana do të angazhohen ditën e nesërme për ruajtjen e rendit dhe sigurisë para, gjatë dhe pas festës së Ditës së Verës në qytetin e Elbasanit. Në total numri i efektivëve do të jetë 380 policë.
Në ndihmë të forcave të policisë së Elbasanit, krahas policëve nga Tirana do të jenë dhe Forcat e Ndërhyrjes së Shpejtë. Gjithashtu policia bën të dije se disa akse rrugore do të bllokohen në këtë qytet.
1. Në orën 11:00 të datës 13.03.2017 do të bllokohet lëvizja dhe qarkullimi i mjeteve nga “Kryqëzimi i Kristoforidhit” deri tek “1 Maji”
2.Në orën 07:00 të datës 14.03.2017 deri në përfundim të aktivitetit të Karnavaleve do të bllokohet lëvizja nga Stadiumi deri tek 1 Maji
3.Nga Stadiumi deri tek “Pallati i Sportit”, nuk do të lejohen parkimet apo qëndrimet e mjeteve.
Policia Rrugore krahas masave të marra për mbarëvajtjen e trafikut, do të ketë dhe një sërë masash për shtimin e kontrollit ndaj përdoruesve të rrugës, që drejtojnë automjetin në gjëndje të dehur, që tejkalojnë normat e shpejtësisë, që kryejnë parakalime të gabuara, etj
