Kreu i LSI, Ilir Meta, ka deklaruar se zhvillimi ekonomik është sfida më e madhe për të sotmen dhe të ardhmen e vendit.
Nga Forumin Ekonomik i LSI-së, Meta ka theksuar se, para se të flasë politika në rend të ditës, për ekonominë duhet të flasin më parë ekspertët.
Meta tha se, strategjia e zhvillimit që do të ndjekë LSI do të ketë në fokus rininë, punësimin e saj të qëndrueshëm dhe cilësor.
Gjithashtu, “duhet të kemi ritme më të larta ekonomike dhe duhet të nxisim dhe inkurajojmë më shumë investimet”, ka thënë Meta, duke tërhequr vëmendjen se Shqipëria është mbrapa krahasuar me fqinjët.
Ndër të tjera, Meta ka sugjeruar se për të nxitur zhvillimin, politikat fiskale duhet të realizojnë një shpërndarje më të drejtë, të arrihet bilanci eksport-import, si dhe t’i kushtohet më shumë vëmendje bujqësisë dhe turizmit.
