Kryeministri Edi Rama u rikthye pas në kohë, duke kujtuar kontributin e bandës muzikore shqiptare në Shkup, e cila sipas tij tregon dhe identitetin e vërtetë të shqiptarëve etnikë.
Me anë të një postimi në facebook, Rama ka reaguar, duke iu kundërpërgjigjur zërave që janë kundër platformës shqiptare, si rasti i presidentin Gjeorgje Ivanov.
“Në mars 1912, 105 vjet më parë, banda muzikore shqiptare në Shkup i linte trashëgim historisë dhe mendjeve të ndriçuara, nëpërmjet kësaj fotoje të Marubit, mesazhin gjithmonë të vlefshëm, se identiteti i vërtetë i shqiptarëve etnikë është frut i luftës për emancipim kulturor, arsimor dhe gjuhësor dhe jo i dyfekut të përçarjes apo mbisundimit mbi tjetrin.
Megjithëse në distancë të barabartë mes Perëndimit dhe Lindjes, kjo është një nga vetitë që na bën parësisht europianë, të besës, paqedashës, shtetformues dhe universalistë, kudo ku jemi autoktonë ????”, citohet në reagimin e Ramës.
