“Nëse shteti bën akoma më shumë premtoj se do të jem kampion bote” .
Kështu ka deklaruar kampioni i ri i Europës në kërcim së gjati, Izmir Smajlaj. Atleti është kthyer sot në Shqipëri gjatë orëve të para të mëngjesit . Në një deklaratë për median Smajlaj tha që medalja shkon për të gjithë shqiptarët.
“Falenderoj të gjithë, familjen time dhe shokët e mi. Kisha besim tek vetja dhe kjo ishte një garë e fortë. Sot jam i emocionuar kur shoh të gjithë shokët këtu. Medalja shkon për të gjithë shqiptarët. Jam stërvitur për 4 javë në Stamboll dhe më pas në “Loro Boriçi”, shpresoj të bëhet më mirë. Falënderoj shtetin që ktheu sytë nga atletika” tha ndër të tjera kampioni i Europës Izmir Smajlaj.
Për të pritur Smajlaj në aeroport kishin dalë familjarë dhe shokë të tij, por vihej re mungesa e zyrtarëve të Ministrisë së Arsimit dhe Sportit.
