Mësohet se ish-deputeti Dashamir Tahiri që humbi mandatin si pasojë e zbatimit të dekriminalizimit ka mbledhur disa zonja çame të Vlorës dhe u ka shpallur kandidimin e tij.
Ka vetëm dy muaj që Tahiri humbi mandatin, por me sa duket ka ende shpresa që do rikandidojë në zgjedhjet e ardhshme duke e kthyer gjithë procesin e dekriminalizimit në qesharak.
Pavarësisht, deklaratave emocionale dhe fotove gazmore, viktimat e vërteta të gjithë kësaj historie janë ato nëna dhe vajzat çame, të cilat mund të gënjehen, mjaft që t’u përdorësh dramën, nga vjen historiale tragjike e rrënjëve të tyre.
Mësohet se çështja e këtij politikani të Partisë Demokratike, tani ndodhet në Gjykatën Administrative të Apelit. Me vendim të Komisionit Qendror të Zgjedhjeve zoti Tahiri nuk ka humbur vetëm mandatin, por edhe të drejtën e kandidimit si ligjvënës apo i zgjedhur vendor për 15 vjet. Ajo që dihet është se Dashamir Tahiri do të kandidojë, jo në emër të partisë që thotë se i përket, por të aleates së saj të ngushtë Partia Republikane. Duket, edhe vetë demokratët i bëjnë dalje me kujdes, por me kusht që zonjat çame të Vlorës të mashtrohen për llogari të partisë së Mediut, duke çuar vota te thesi i madh i Bashës.
Nëse ky politikan e sfidon gjithë sistemin duke hedhur poshtë thelbin e dekriminalizimit, për të cilën partia e Bashës luftoi e madje thotë se ka fituar, atëherë duhet pranuar se i gjithë procesi i dekriminalizimit është kallp. Me këtë logjikë të kriminalizuarit ndahen në dy kategori: në të mirë dhe të këqinj.
