Kreu i Shtëpisë së Bardhë, Donald Trump ka lëshuar në adresë të paraardhësit të tij një akuzë ku thotë se një muaj para se të zgjidhej president, Barack Obama më ka përgjuar telefonin.
Trump shkruan në Twitter: “E tmerrshme! Sapo mora vesh që Obama ka përgjuar telefonat e mi në Trump Tower, pak përpara fitores. Nuk u gjet asgjë”.
Raportimet në media të javëve të fundit sugjeronin se FBI-ja kishte kërkuar një urdhër nga Gjykata e Inteligjencës së Jashtme të Mbikëqyrjes verën e kaluar, me qëllim monitorimin e anëtarëve të ekipit të Trump, që dyshohet të kenë patur kontakte të parregullta me zyrtarët rusë.
Nuk ka ende një konfirmim zyrtar dhe gjithashtu nuk është ende e qartë nëse kjo është kthyer në një hetim të plotë apo jo. Ndërkohë, ish-presidenti Obama nuk ka reaguar ende rreth asaj që Donald Trump e quan “lëvizje të ulët”.
