Avokati i Popullit dorëzoi në Kuvendin e Shqipërisë listat dhe dosjet e kandidatëve për pozicionet e anëtarëve të institucioneve të rivlerësimit të gjyqtarëve dhe prokurorëve.
AP përcolli në Kuvendin e Shqipërisë edhe rekomandimet e hartuara nga Operacioni Ndërkombëtar i Monitorimit.
“Vlerësimi mbi përmbushjen e kritereve formale nga ana e kandidatëve u shoqërua me një intensitet të lartë pune për verifikimin e çdo dokumenti të paraqitur në dosje, nga secili prej tyre, dhe u monitorua në mënyrë të pandërprerë nga ekspertët e Operacionit Ndërkombëtar të Monitorimit”, deklaron Avokati i Popullit.
