Departamenti Amerikan i Shtetit kritikon qeverinë shqiptare për respektimin e të drejtave të njeriut dhe nivelin e lartë të korrupsionit.
DASH publikoi këtë të premte raportin vjetor për të drejtat e njeriut në botë, pjesë e së cilit është edhe Shqipëria.Në raport përmendet mosndëshkimi i zyrtarëve të lartë përkundër atyre të niveleve të ulëta.
“Korrupsioni është më i përhapur në sistemin gjyqësor, por është i përhapur edhe në sistemin e shëndetësisë. Korrupsioni i përhapur në të gjitha hallkat e qeverisjes është një problem shqetësues. Po kështu edhe dhuna në familje e diskriminimi i grave, mbeten çështje serioze. Në paraburgime ka probleme me mbipopullimin. Në disa raste rojet e burgut kanë rrahur të dënuarit”, thuhet në raport.
“Në çështjet për trajtimin e pronës, qeveria kë bërë pak përparim. U prishën shtëpi pa kaluar në një proces ligjor. Pronarëve nuk iu dha shpërblimi i përshtatshëm”.
