Reagon PS/ Vasilika Hysi: Ish-ministri nuk është në listën e personave për t’u pyetur nga komisioni hetimor
Opozita kërkoi sot që ish-ministri i Financave, Shkëlqim Cani, të dëshmojë në komisionin hetimor për serverin e tatimeve. Për shumicën kjo është një kërkesë e paligjshme, pasi komisioni hetimor për serverin e Tatimeve ka një listë të miratuar personash që duhet të dëshmojnë dhe në këtë listë nuk është ministri i shkarkuar Shkëqlim Cani.
Sekretari i Përgjthshëm i PD-së, Arben Ristani tha se Cani është pjesë e zyrtarëve që duhet të dëshmojnë “E gjitha ka nisur me një urdhër të ish-ministrit Shkëlqim Cani. Me urdhrin e tij është ngritur grupi auditues. Patjetër dhe ish-ministri Cani është pjesë e njerëzve që duhet të dëshmojnë”, tha Ristani. Ndërsa deputetja socilaiste Vasilika Hysi i përgjigjet: “Opozita kërkoi të thërrasë njerëz ose autoritete që nuk janë të miratuara në planin e veprimit. Kolegët e opozitës tremben nga njerëzit që janë thirrur për të dëshmuar. Ne jemi të gatshëm të presim listën e propozimeve”.
