Paraditen e sotme zëvendës kryeministri Niko Peleshi ka pritur në zyrën e tij banorët e Zharrëzës.
Në takim është biseduar për problematikën e shtëpive të dëmtuara të këtyre banorëve, të cilët në shenjë proteste kanë ardhur në këmbë deri në Tiranë.
Banorët e Zharrëzës janë ankuar se përvec dëmeve materiale që u janë shkaktuar shtëpive, fëmijët e tyre janë helmuar nga rrjedhja e pakontrolluar e burimeve natyrore.
Këta banorë vazhdojnë të protestojnë ende përpara Ministrisë së Energjitikës dhe Industrisë, për të kërkuar dëmshpërblim për banesat e tyre.
