Kreu i PD-së Lulzim Basha ka deklaruar se nuk do të ketë asnjë orë normalitet në Shqipëri, derisa të bjerë qeveria.
Në një intervistë në “Opinion”, emision që hyri në çadër mes protestuesve, Basha është shprehur që në Shqipëri kemi të bëjmë me një demokraci fasadë.
Sipas Bashës kjo që po ndodh sot nuk është miting politik, po është ngritja e popullit për t’i thënë “jo!” krimit dhe bandave.
“Ne vijmë si një parti e rinovuar në vendimmarrje dhe në lidership, ka me dhjetra të rinj dhe të reja, të cilët kanë studiuar këtu dhe në vendet perëndimore e vijnë në PD për të dhënë idetë e tyre. Unë do të qëndroj këtu deri në fitoren e kauzës së qytetarëve, deri në largimin e kësaj qeverie dhe garantimin e zgjedhjeve të lira dhe të ndershme”, është shprehur Basha.
I pyetur për krimet gjatë qeverisjes 2005-2013, Basha nuk flet për qeverinë e kaluar.
Basha: Asgjë që do vijë nuk do jetë si më parë. Kjo republikë do të varroset se është kthyer në një republikë të krimit dhe të korrupsionit. Republika jonë do të jetë një republikë me zgjedhje të lira dhe të ndershme, pa korrupsion, standarte europiane dhe asgjë më pak.
Numërimin elektronik do ta plotësojë qeveria teknike, e cila do të garantojë zgjedhje të lira dhe të ndershme.
Ajo çfarë kërkojmë është bindje për zgjedhje të lira dhe të ndershme. Mund të dështojë, vetëm një kauzë e stisur, por zgjedhjet e lira dhe të ndershme është kauza e çdo shqiptari dhe nuk mund të dështojë, por do të mbyllet vetëm me fitore.
Kjo kauzë fiton vetëm me dy rrugë ose me marrëveshje politike ose me bashkimin e shumë qytetare për rrëzimin e qeverisë. Zgjedhje pa opozitën nuk do të ketë. Nuk do të përsitet skenari i 2015.
Pas zgjedhjeve të lira, do të votojmë vetting-un.
