Juventus ka arritur të mposht Porton me rezultatin 2-0, duke vendosur një këmbë në çerekfinalen e Champions League.
Ndeshja nis me tension të madh nga të dyja palët dhe kjo shfaqet te gabimet e vogla të ekipeve në pasime por vërtetohet me kartonin e kuq të ish-lojtarit të Galatasaray dhe Inter Alex Telles që në minutën e 27-të.
Pas kartonit të kuq është Juventus ekipi që sulmon dhe rezistenca e Portos zgjat deri në minutën e 72-të kur i sapo futuri në fushë Pjaca ndëshkon vendasit. Goli i dytë vjen nga Dani Alves, i sapo futur në fushë, stopon topin me gjoks brenda zonës dhe godet menjëherë duke mundur për të dytën herë Casillas.
Sevilla ka fituar 2-1 ndaj Leicester City dhe gjithçka do të vendoset në takimin e kthimit, pas dy javësh.
Spanjollët kaluan në avantazh të dyfishtë me anë të Sarabia në të 25’ dhe Correa 65’ që më herët kishte gabuar nga pika e bardhë e penalltisë. Por në 73’ Jamie Vardy hapi sërish lojën për kualifikim duke ngushtuar diferencën në 2-1.
https://www.youtube.com/watch?v=s7VTQ3g5rFI
https://www.youtube.com/watch?v=1O3bi-cZPVU
