“Ambasadorja e BE në Tiranë Romana Vlahutin dhe familjarët e saj janë 24 orë nën ruajtjen e policëve. Kërcënimet ndaj saj janë rritur pasi do ishte e vështirë të zbatoje një reformë gjyqësore në Shqipëri me korrupsion endemik“, shkruan gazeta austriake “Der standard”
“Der standard” i ka kushtuar një artikull të posaçëm reformës në drejtësi në Shqipëri, me vështirësitë që has zbatimi i saj duke kujtuar punën dhe këmbënguljen e ambasadorëve Lu e Vlahutin.
Në shkrim kujtohet dhe fakti se ambasada amerikane në vend ka vendosur refuzimin apo bllokimin e vizave për zyrtarë, gjyqtarë e prokurorë. Këta të fundit thuhet më tej kanë nisur të kenë frikë për kriminelët që kanë liruar duke përfituar nga korrupsioni duke rritur pasuritë e tyre.
Por dhe politikanët janë të shqetësuar shkruhet më tej pasi rastet e korrupsionit janë të njohura në vend. Gazeta kujton letrën që ministri i LSI-së, Petrit Vasili i drejtoi kreut të Shtetit, për bordin e ONM, për të cilin tha se është mbi Kushtetutën dhe si e tillë i papranueshëm.
“Se sa nervozë janë bërë oligarkët në Shqipëri, e tregon fushata aktuale kundër Vlahutin të BE. Ajo akuzohet se është e lidhur me miliarderin dhe filantropin Xhorxh Soros. Përpjekje të ngjashme për diskreditim ka pasur për një kohë të gjatë edhe në Maqedoni”, shkruan Der Standard.
