Pas ditës së tretë të protestës së opozitës, Kryeministri i vendit Edi Rama u ka dhënë deputetëve të tij një porosi që mos të merren me protestën, por të dalin në terren dhe të punojnë. Pas mbledhjes së grupit parlamentar të Partisë Socialiste shefi i qeverisë, Edi Rama ka komentuar shkurt protestën e opozitës.
“Mos u merrni me protestën, dilni në terren dhe shpërndahuni nëpër zona, të deleguarit nëpër qarqe. Të enjten përgatituni për parlament”, është shprehur Rama.
“Protesta është organizuar për qëllime që nuk thuhen. Bojkoti i opozitës në parlament është prova që gjithçka ka të bëjë me bllokimin e vetting-ut. Situata është shtysë për të vazhduar organizmin për zgjedhjet e qershorit. Duhet të komunikojmë gjithandej me njerëzit”, mësohet të ketë thënë Rama në mbledhjen pa praninë e kamerave.
