Deputeti i Partisë Socialist Pandeli Majko ka reagur ne lidhje me letrën ku Minstri i Drejtesisë Petrit Vasili shprehte shqetësimin me rolin e Bordit të Menaxhimit të ONM-së.
Deputeti Majko shprehet se ndërkombëtarët nuk kanë ardhur këtu për të shkelur kushtetutën dhe ligjet tona. “Ndërkombëtarët do të vijnë për të na vëzhguar ne dhe nuk do të jemi ne që do të vëzhgojmë ndërkombëtarët në punën e tyre”, tha Majko.
Më tej Majko tha që “… duhet pasur një tolerancë e natyrshme dhe komunikim po ashtu me të gjithë misionin ndërkombëtar që do të merret me këtë çështje me qëllim që gjërat të mos bëhen pjesë e një debati politik në skenën politike, pasi mendoj se vetting-u si proces e ka një sindikatë kundërshtuese. Dhe nuk besojë se ne i bëjmë mirë situatës duke u bërë pjesë e kësaj sindikate”.
“Në këtë kuptim mendoj se gjërat më mirë do të zgjidheshin nëse do të kishte një komunikim dhe sa më pak debat lidhur me këtë çështje. Tani ligjet janë shkruar, kushtetuta flet shumë qartë, nuk kemi pse të krijojmë keqkuptime në këtë drejtim” deklaroi Majko.
