Gjykata e Apelit e lë në burg ish-ministrin e qeverisë “Berisha” i akuzuar për korrupsion me 30 milion lekë
Gjykata e Apelit nuk e ka ndryshuar masën e sigurisë për ish-ministrin e arrestuar për korrupsion. Spiro Ksera do të vazhdojë të jetë nën arrest i akuzuar pë aburim me shumën 30 milion lekë. Gjatë seancës Ksera është përpjekur të mbrohet me pretendimet se arrestimi i tij është diskriminim për shkak të kombësisë greke. Në seancën e sotme gjyqsore në Gjykatën e Apelit, ish-ministri i arrestuar për korrupsion, apeloi vendimin, duke kërkuar heqjen e masës arrest me burg të dhënë nga Gjykata e Shkallës së Parë. Ksera tha gjatë seancës së sotme se kombësia greke e ka penalizuar atë duke tentuar t’i japë ngjyra nacionaliste arrestimit të tij për korriupsion “Masa që është dhënë ndaj meje është shumë e rrepte” ka thënë Ksera. Ndërsa avokati i tij, Genc Gjokutaj ka deklaruar se vendimi i Gjykatës së Shkallës së Parë duhet të shfuqizohet, pasi është i paarsyetuar. Ai tha se Ksera nuk është marrë asnjëherë në pyetje gjatë kohës së hetimit.
Ish-ministri i Punës, Çështjeve Sociale dhe Shanceve të Barabarta, Spiro Ksera, u arrestua në 28 janar në Gjirokastër. Ai akuzohet për shpërdorim detyre në abuzimin me 30 milionë lekë nga buxheti i shtetit në kohën kur ishte ministër. Pas hetimeve të kryera, Prokuroria ka arritu në përfundimin se ish-ministrio dhe stafi I tij kanë akorduar shumën 30 milionë lekë për aktivitet të cilat nuk janë zhvilluar.
