Komisioni Qendror i Zgjedhjeve u ka hequr mandatin gjashtë këshilltarëve bashkiakë.
Sipas KQZ-së, gjashtë këshilltarët bashkiakë kishin probleme me formularët e dekriminalizimit.
Këshilltarëve qe u hiqet mandati janë:
Gani Hida (anëtar në Këshillin Bashkiak Elbasan), Robert Dajani (anëtar në Këshillin Bashkiak Malësi e Madhe), Rrok Rroku (anëtar në Këshillin Bashkiak Lezhë), Zija Mema (anëtar në Këshillin Bashkiak Rrogozhinë), Muharrem Shkjau (anëtar në Këshillin Bashkiak Shkodër), Tomorr Prrenjasi (anëtar në Këshillin Bashkiak Maliq).
Komisioni Qendror Zgjedhor shpalli sot të pavlefshëm mandatin për gjashtë këshilltarët bashkiakë, ndërsa për një këshilltar tjetër bashkiak (i shtati) dhe konkretisht për këshilltarin e Pukës Bibë Kolaj vendimi për heqjen e mandatit u shty për një ditë tjetër.
