Ambasadorja Romana Vlahutin gjatë takimit me Ministrin e Drejtësisë Z. Petrit Vasili theksuan rëndësinë e reformës së drejtësisë që ka arritur fazën kritike të zbatimit, ndërsa vunë në dukje edhe vazhdimin e saj me punën legjislative.
“Raporti i Ministrisë së Drejtësisë me sistemin aktual tashmë ka një qasje tërësisht të re”, tha Vasili.
Vasili theksoi nevojën për implementimin sa më të shpejtë të reformës, ndërsa vuri në dukje rëndësinë e nisjes sa më parë të ndërtimit të institucioneve të reja, të cilat janë pashmangshmërisht të lidhura me finalizimin e procesit të vetting-ut.
Vlahutin ka shprehur mirënjohjen e saj për rolin konstruktiv që sipas saj ka luajtur Ministri Vasili gjatë rrugës së gjatë dhe sfiduese të formësimit të reformës në sistemin e drejtësisë, rrugëtim i cili sipas saj ka pasur shpesh dinamika të shoqëruara me ngërçe, të cilave Ministri Vasili ju është përafruar me maturi.
“Viti 2017 do të jetë një vit sfidues dhe lind nevoja e domosdoshme për frymën e koordinimit dhe bashkërendimit të përgjegjësive të ndërsjellta”, tha Vlahutin
