Ministri i Finacave Arben Ahmetaj është përzgjedhur nga Partia Socialiste për të kandiduar për deputet në bashkinë e Kavajës në zgjedhjet e 18 qershorit.
Ahmetaj është prezantuar sot përpara strukturave të PS në Kavajë nga kryebashkiaku i pezulluar, Elvis Rroshi i cili tha se PS do të korr në këto zgjedhje një fitore gjigante.
Ministri Ahmetaj vlerësoi punën e bërë në Kavajë nga Elvis Rroshi, si dhe u shpreh i gatshëm për të punuar në projekte të reja në këtë bashki.
“Unë do të jem koordinator i PS për Kavajën dhe Rrogozhinën. Kavaja në mandatet e Rroshit është një surprizë për mua dhe për PS, pasi ju e keni kthyer në një bastion të PS”, tha Ahmetaj.
Arben Ahmetaj do të zëvendësojë në Kavajë si kandidat për deputet, Parid Carën, i cili prej kohësh nuk ka një marrëdhënie të mirë me Rroshin.
