Meta: Të gjenden zgjidhje afatgjata që i shërbejnë stabilitetit të qëndrueshëm
Kryetari i Kuvendit Ilir Meta zhvilloi një takim me Kryetarin e Lëvizjes Vetëvendosje Visar Ymeri, dhe Albin Kurti, Deputet në Kuvendin e Kosovës.
Gjatë takimit u diskutua mbi zhvillimet e fundit shqetësuese në Kosovë e në rajon duke vënë theksin tek rëndësia e intensifikimit të bashkëpunimit ndërqeveritar e ndërparlamentar mes Shqipërisë e Kosovës.
Duke pasur parasysh incidentin provokues të trenit, ndalimin e Kryetarit të AAK z. Ramush Haradinaj në Francë, kryetari i Kuvendit shprehu shqetësimin e tij për rritjen e tensioneve gjatë kohëve të fundit në Kosovë.
Meta theksoi në këtë drejtim rëndësinë e frymës së bashkëpunimit dhe dialogut konstruktiv mes të gjitha palëve për të prodhuar zgjidhje afatgjata që i shërbejnë stabilitetit të qëndrueshëm, paqes e sigurisë në Kosovë e në gjithë rajonin e Ballkanit.
