Autoriteti Portual i Durrësit është bllokuar për më shumë se 5 orë në të gjitha shërbimet që merren në portin më të madh të vendit. Kjo për shkak të një defekti në rrjetin qendror të furnizmit me energji elektrike.
Për këtë asnjë prej agjencive doganore nuk kanë mundur t’u ofrojnë shërbim qytetarëve, të cilët kanë pritur në radhë për orë të tëra për të kryer çdoganimin e mallrave dhe të mjeteve që ishin futur në port prej orëve të mëngjesit.
Për pasojë në Portin e Durrësit u krijua një situatë anormale, teksa drejtuesit e kamionëve të ngarkuar prisnin me orë të tëra në radhë, çka do t’i penalizojë për të mos mbërritur në kohë në destinacionin e tyre.
OSHEE prej konstatimit të defektit ka punuar për orë të tëra. derisa ka mundur të rikthejë energjinë elektrike.
