Në merkaton e dimrit Liverpool ka vendosur të rikthejë në shtëpi ish-kapitenin Stiven Gerrard. Edhe pse Gerrard është tërhequr nga futbolli, “the Reds” vendosën ta rikthejnë tani jo më në rolin e lojtarit, por si trajner.
36-vjeçari do të jetë një prej trajnerëve të Akademisë së klubit legjendar. Ish-kapiteni u shfaq i lumtur për këtë aventurë të re edhe pse mohoi që detyra e marrë nuk lidhet me sentimentalizmin.
“Ndihet vërtetë mirë dhe po pret me padurim që të nisë punën. Vendimi për tu rikthyer te Liverpooli nuk u morr duke u nisur thjesht nga emocionet. Kjo është një aventurë e re. Dëshiroja të jepja kontributin tim në Akademinisë e klubit”, deklaroi Gerrard.
Steven Gerrard është i bindur se në detyrën e re do të bëjë një punë të mirë, jo vetëm në aspektin teknik, por mbi të gjitha prej eksperiencës dhe faktin që fanellën e kuqe e cilëson një lëkurë të dytë.
