Si rrallë ndonjëherë Lulzim Basha është shfaqur në dy ekrane njëkohësisht, në dy intervista mbrëmjeje, me dy gazetarë të ndryshëm.
Ai ka folur si në “Pesë pyetje nga Babaramo” dhe në “Top Story”. Të dyja programet i përkasin mbrëmjes së parë dhe të dyja intervistat kanë qenë sy më sy. Pyetjet të ndryshme, personazhi i njëjtë.
Ka nisur përpjekja e redaksive të programeve në fjalë se nga cili program duhet cituar kryetari i opozitës, i cili zotëron dhe mrekullinë të shfaqet në dy vende të ndryshme në të njëjtën kohë ose si quhet tek fqinjët tanë bilocazione, aftësi shenjtësh.
