Kryetari i Kuvendit të Shqipërisë, Ilir Meta, përshëndet marrëveshja e partive shqiptare në Maqedoni. Meta thotë se angazhimi i tyre për tër të ndërtuar një platformë të përbashkët politike është në shërbim të prosperitetit dhe stabilitetit afatgjatë të Maqedonisë.
Gjithashtu Meta mirëpriti dakordësinë për zbatimin e përpiktë të Marrëveshjes së Ohrit dhe respektimin e të drejtave të plota kushtetuese e rolit shtetformues të shqiptarëve në Maqedoni.
“Fryma e kësaj marrëveshjeje është një ogur i mirë që tregon për përgjegjshmërinë në rritje të faktorit politik shqiptar ndaj çështjeve me rëndësi kombëtare e rajonale, ndërsa shpreh besimin se kjo marrëveshje do të ndikojë pozitivisht edhe në marrëdhëniet ndëretnike në Republikën e Maqedonisë“, është shrehur Meta.
Ndër të tjera ai theksoi se ky akt i rëndësishëm politik është një gur i rëndësishëm për integrimin e Maqedonisë në NATO dhe në Bashkimin Evropian.
