Komisioni Qëndror i Zgjedhjeve u jep mandatin dy deputetëve të rinj në Qarkun e Vlorës
Gjatë mbledhjes së sotme të KQZ, kandidati i rradhës në listën e deputetëve të Lëvizjes Socialiste për Integrim në Vlorë, Flamur Rrapo Çelaj ka marrë mandatin me 7 vota pro.
Deputeti i dytë që zëvendëson Dashamir Tahirin është Edmond Skënder Zejno i cili vjen nga radhët e Partisë për Drejtësi, Integrim dhe Unitet i miratuar po me 7 vota.
Kreu i KQZ-së Denar Biba tha se vendimet e Komisionit hyjnë në fuqi menjëherë sapo të miratohet dhe publikimet në Fletoren Zyrtare bëhen vetëm për njoftim.
Zëvendësimi vjen pas ndërprerjes së parakohshme të mandatit për dy deputetët Dashamir Tahiri dhe Shkëlqim Selami, të cilët u prekën nga ligji i dekriminalizimit.
KQZ ka emëruar gjthashtu auditin teknicien për mbikëqyrjen e hartimit të listës së zgjedhësve, Armand Telitit, vendim që u mor me 7 vota.
