Një aksident me pasojë vdekjen e një personi ka ndodhur paraditen e sotme në aksin rrugor Fier-Ballsh.
Mësohet se makina ka përplasur 59 vjeçarin Fatmir Lamaj i cili po udhëtonte me biçikletë.
Policia informon se “shtetasi Agron Nuhaj, 61 vjeç, banues në Patos, duke drejtuar mjetin tip kamioncine, me targa FR 2577 D, ka aksidentuar me vdekje shtetasin F.L, 59 vjeç, banues në Mbrostar, i cili po udhëtonte me biçikletë.”
Policia ka shoqëruar drejtuesin e mjetit sakaq po punon për zbardhjen e shkaqeve të aksidentit.
