Kohët e fundit ka pasur spekulime se Lorik Cana do të tërhiqet nga futbolli pas Europianit të Francës.
Por, kjo nuk është e vërtetë.
Kapiteni i Kombëtares sonë duke folur për mediat franceze ka thënë se do të luajë futboll deri sa të ketë fuqi.
“Nuk e di nga i kanë gjetur këto informacione.
Gjithmonë kam thënë se do të luaj për sa kohë do të ndihem mirë.
Jam i përqëndruar në këto 4 muaj që mbeten nga ky sezon pasi dua të bëj rrugën më të mirë të mundshme me Nantë duke kërkuar të përfundojmë sezonin sa më lart që të jetë e mundur”, deklaroi Cana.
“Në fund pastaj kam një kompeticion të madh në muajin qershor.
Nëse nuk pësoj ndonjë dëmtim të madh, mos prisni që të ndalem”, ka vijuar më tej ai.
