Një ditë pasi Parlamenti Europian votoi për të ngrirë bisedimet e anëtarësimit të Turqisë në BE, Presidenti turk Rexhep Taip Erdogan kërcënoi se do të hapë kufinjtë e Turqisë në mënyrë që emigrantët e paligjshëm të futen në Europë.
Më 18 mars të këtij viti, Ankaraja dhe Brukseli nënshkruan një marrëveshje që Turqia të ndalonte rrjedhën e emigrantëve drejt Europës, në këmbim të rritjes së mundësive për anëtarësim të Turqisë në Bashkimin Europian.
Por pas ngrirjes së negociatave, Ankaraja akuzon Brukselin se nuk po mban fjalën e dhënë.
