Publikohet menuja e ushqimet që kanë konsumuar 56 studentët e Akademisë së Sigurisë, të cilët dyshohet se u helmuan dhe përfunduan në spital pas konsumimit të një vakti ushqimor të shpërndara nga kompania e kateringut “Sori Al”.
Në menunë e drekës ka pasur sallatë perimesh të ziera si brokol, lulelakër dhe karotë, ndërsa dyshohet se helmimi mund te këtë ardhur si pasojë e perimeve. Po ashtu në menu ka pasur: makarona/ pilaf me karotë; gjellë me patate/ tavë; mish racion; biskotë; banane dhe bukë.
Pas konsumimit të ushqimit, dhjetëra studentë shfaqën simptoma si të vjella dhe dhimbje të forta barku, duke kërkuar ndihmë mjekësore në QSUT.
Ndërkohë, autoritetet vijojnë hetimet për të përcaktuar shkakun e helmimit, ndërsa janë marrë mostra ushqimore për analiza laboratorike. Për rastin janë arrestuar dy persona të kompanisë së kateringut, kuzhinieri dhe teknologia dhe një tjetër është shpallur në kërkim, konkretisht administratorja e kompanisë Alma Tafani.
