Ish-presidenti Bamir Topi u shpreh pasditen e sotme se Kryeministri Edi Rama nuk ndalet për vendosjen në kontroll të çdo gjëje, duke e cilësuar këtë si diçka shumë të rëndë për demokracinë.
I ftuar në emisionin “Kjo Javë”, Topi u ndal në vendimin e Presidentit për dekretimin e ligjit për Komisionet Hetimore, i miratuar vetëm me votat e mazhorancës së drejtuar nga Edi Rama.
“Së pari nuk do të dëshiroja të interferoj në gjykimin e një Presidenti në detyrë. Diskutimi për komisionet hetimore është një diskutim që nuk lindi sot që zt.Begaj është në krye të Presidencës. Komisionet hetimore janë nevojë për të bërë transparencën e punës së qeverisë dhe të institucioneve, gjë që në Shqipëri mungon. Unë nuk trajtoj më përgjegjësinë e presidentit sepse ka të gjithë të drejtën e tij për të vepruar në mënyrë autonome në funksion të Kushtetutës. Në rast se këshilltarët i thonë se ky ligj është në përputhje me Kushtetutën, ai vendos firmën.
Të tjerët pastaj kanë të drejtën ta çojnë në Gjykatën Kushtetuese. Që ky vend ka nevojë për transparencë më shumë se kurrë ka sot, kur gjithçka komandohet nga një njeri. Nuk shoh thjesht faktin që ai nuk i do komisionet hetimore, por ai nuk ndalet. Çdo ditë që kalon, ai kërkon të marrë diçka tjetër dhe kjo është shumë e rëndë për demokracinë. Nuk shkon as për transparencën për procesin zgjedhor, nuk ka transparencë si funksionojnë institucionet dhe ky do t’i largohet të gjithë llogaridhënies që përkthehet në transparencë”, tha Topi.
Ish-presidenti Bamir Topi u shpreh pasditen e sotme se Kryeministri Edi Rama nuk ndalet për vendosjen në kontroll të çdo gjëje, duke e cilësuar këtë si diçka shumë të rëndë për demokracinë.
I ftuar në emisionin “Kjo Javë”, Topi u ndal në vendimin e Presidentit për dekretimin e ligjit për Komisionet Hetimore, i miratuar vetëm me votat e mazhorancës së drejtuar nga Edi Rama.
“Së pari nuk do të dëshiroja të interferoj në gjykimin e një Presidenti në detyrë. Diskutimi për komisionet hetimore është një diskutim që nuk lindi sot që zt.Begaj është në krye të Presidencës. Komisionet hetimore janë nevojë për të bërë transparencën e punës së qeverisë dhe të institucioneve, gjë që në Shqipëri mungon. Unë nuk trajtoj më përgjegjësinë e presidentit sepse ka të gjithë të drejtën e tij për të vepruar në mënyrë autonome në funksion të Kushtetutës. Në rast se këshilltarët i thonë se ky ligj është në përputhje me Kushtetutën, ai vendos firmën.
Të tjerët pastaj kanë të drejtën ta çojnë në Gjykatën Kushtetuese. Që ky vend ka nevojë për transparencë më shumë se kurrë ka sot, kur gjithçka komandohet nga një njeri. Nuk shoh thjesht faktin që ai nuk i do komisionet hetimore, por ai nuk ndalet. Çdo ditë që kalon, ai kërkon të marrë diçka tjetër dhe kjo është shumë e rëndë për demokracinë. Nuk shkon as për transparencën për procesin zgjedhor, nuk ka transparencë si funksionojnë institucionet dhe ky do t’i largohet të gjithë llogaridhënies që përkthehet në transparencë”, tha Topi.
