Liverpool ka vijuar me paraqitjet e mira, pasi mbrëmjen e së mërkurës, ka mposhtur Sheffield United me rezultatin 2:0. Kjo ishte një provë e lehtë për skuadrën e Jurgen Klopp, megjithëse goli i sigurisë u shënua në fund.
Megjithatë, tre pikët janë më të rëndësishmet, por vëmendjen e publikut në Angli e tërhoqi deklarata e Klopp pas ndeshjes.
Prezantuesi i Amazon Prime Sport i ka bërë një pyetje për datën e ndeshjes së radhës të klubit të tij, duke pasur parasysh se menaxheri i Liverpool-it më parë kishte thënë se nuk i pëlqen ora 13:30.
Liverpool luan kundër Crystal Palace pikërisht në atë kohë dhe ngacmimi ishte: “Koha juaj e preferuar për të filluar ndeshjen”.
Klopp qëndroi i qetë, por dukej qartë se nuk mungonte provokimi.
“Shkëlqyeshëm, është shumë mirë që bëtë një shaka për këtë. Ne do të shkojmë në shtëpi, nuk e di se kur do të arrijmë, ndoshta ora 1 ose 2. Ndeshja e re vjen pas ndoshta dy seancave stërvitore. Është në rregull për të luajtur sërish. Njësoj për Palacen. Përsëri, e di që nuk e kuptoni këtë gjë, edhe pse punoni në futboll. Pse të shqetësohem t’ju shpjegoj”, tha Klopp.
Më pas prezantuesi i kërkoi falje menaxherit të Liverpool-it, por Klop vazhdoi:
“Nëse jeni duke bërë shaka për këtë, atëherë jeni plotësisht injorant. Në rregull, futbolli është argëtim, e kuptoj,” tha Klopp.
Klopp is so sensitive 🤣🤣😭😭 pic.twitter.com/jvZTKPT9q2
— Not Match of the Day (@NOT_MOTD) December 7, 2023
