Qytetarët duhet t’i paguajnë KESH-it edhe ajrin që përdor për frymëmarrje Ergys Verdho dhe stafi i tij. Jo vetëm ajrin, por edhe ndotjet akustike dhe ato të ujit! Dhe këto para i fut në shpenzimet që ndikojnë më pas në llogaritjen e çmimit të energjisë elektrike. Kjo që zbulon sot Gijotina.com qenka një tender Copy Paste, që e bën çdo vit drejtori Ergys Verdho, me qëllim përvetësimin e një fondi për asgjë.
Eh, mund të tingëllojë pak çuditshëm, por qeveria me paratë tona ushqen KESH, që gjithmonë del me humbje se Verdho i shpërdoron lekët në këto forma.
Këtë herë drejtori ka aktivizuar tenderin me objekt “Monitorimi i treguesve mjedisor në njësitë e prodhimit”. Në dokumentet e siguruara nga Gijotina.com tregohet se 60 milionë lekë (pa TVSH) do t’i jepen një kompanie private që të bëjë monitorimin në ajër për CO, CH4, O2, H2S. Matje e ndotjes akustike, matje e ndotjes së ujit, matje që në fakt janë një rutinë që duhet ta bëjë vetë korporata, se ka staf organik që paguhet për sigurinë në vendin e punës. Kjo punë është 8 ditë dhe kryhet një herë në vit.
Po pse more zoti Ergys, do të thotë ndonjë lexues, nuk merrni një epruvetë me ujë dhe ta çoni në laborator t’i bëni analizat?
Po merrni edhe ca tullumbace me ajër dhe dërgojini tek laboratori dhe paguajeni faturën e analizave si për çdo shërbim tjetër. E po, duhen përvetësuar këto 60 milionë lekë bashkë me miqtë biznesmenë. Për ta mbuluar zullumin bëhet një tender!
Afati për dorëzimin e ofertave dhe zhvillimin e tenderit të “analizimit të ajrit” ishte parashikuar për ditën e sotme, por kjo nuk do të ndodhi për shkak se procesi është denoncuar në Komisionin e Prokurimeve Publike. Dy kompani kanë bërë ankesa veç e veç për këtë prokurim dhe të dyja konstatojnë abuzim dhe manipulim.
Më datë 21 nëntor 2023 është bërë denoncimi nga firma “Tenuis Laboratories” ose ish- Noval në pronësi të Petrit Mahos.
Ai shprehet se në pikën ku kërkohet monitorimi i gazrave në ajër, KESH ka vendosur kritere të pabazuara në ligj, madje disa prej pikave nuk qëndrojnë as duke i parë në logjikën e thjeshtë, dhe jo më nga shqyrtimi i një eksperti.
Po ku ka logjikë Ergysi, kur vjen puna tek paratë e tenderit?!
Maho thekson se vendosja e kritereve për fushën e matjes është marrë ‘copy paste’ nga Qendra e Monitorimit të Mjedisit dhe prandaj del në kundërshtim të plotë me procedurën dhe gjithë përmbajtjen e tenderit. Në përfundim ai kërkon që KESH të ketë të paktën 1 ekspert mjedisor në stafin e tij.
Nëse kjo pikë e ankesës vërtetohet, edhe nga KPP, do të thotë se situata është shumë alarmante dhe duhen marra masa urgjentisht, sepse korporata qenka mbushur me të paaftë.
Nuk e kuptojmë pse Verdho dhe Maho janë prishur në “pazar”, por ankesa po nxjerr zbuluar të palarat e drejtorit të KESH.
Në fakt, Maho prej kohësh fiton tenderë nga korporata KESH, por edhe nga institucione të tjera.
Kujtojmë se në shtator të viti 2019, përmes kompanisë “Noval” Petrit Maho arriti të nxirrte jashtë loje Autoritetin Kombëtar të Ushqimit, institucioni përgjegjës për sigurinë ushqimore në vend. Nga një kontratë e nënshkruar nga Ministri i Bujqësisë asaj kohe Blendi Çuçi, Noval mori përsipër që të kryejë analizat e mostrave ushqimore. Konkretisht bëhet fjalë për Urdhrin nr. 524 të miratuar me 23 shtator 2019 , në bazë të të cilit autorizonte kompaninë shqiptare “Noval” për të kryer analizat e mostrave ushqimore, të cilat merreshin gjatë kontrolleve në terren nga ana e inspektorëve shtetërorë të Autoriteti Kombëtar të Ushqim.
Kështu ka ndodhur edhe me monitorime të mëparshme që ka bërë KESH, por Maho ka qenë gjithmonë “mirëkuptues”.
Ana tjetër e skandalit të KESH me këtë tender
Në të njëjtën ditë është bërë një denoncim edhe nga firma ECCAT shpk, në pronësi të Luan Ballabanit. Në ankesën e dorëzuar përfaqësuesi i firmës shprehet se KESH ka vendosur kritere diskriminuese që as nuk përputhen me objektivin e tenderit dhe shkelin ligjin. Ouu! A i bën Ergysi këto gjëra (vepra penale: shkelje e barazisë në tenderë)?
Sipas kompanisë, drejtori Verdho kërkon certifikime dhe vërtetime që janë jashtë kuadrit ligjor dhe hidhen dyshime që as vetë stafi i KESH që harton tenderët nuk i ka parë se çfarë kriteresh ka vendosur.
Kështu bëhet ankesa e dytë që vë në dukje se në çfarë mënyrë antiligjore është hartuar tenderi. Kuptohet se letrat janë bërë nxitimthi me qëllim përvetësimin e këtyre parave në bashkëpunim me ndonjë biznesmen të paracaktuar dhe të privilegjuar.
Bëmat e drejtorit Verdho
Sipas KLSH, kur Ergys Verdho ishte drejtor te Rrugët i zhvati shtetit 630 milionë Euro me tenderë fiktivë e fonde disa herë më të shtrenjtë se kostoja reale e projekteve. Ndërsa qysh prej muajit qershor 2021 në krye të KESH-it po vazhdon shpërdorimet me shitblerjen e energjisë dhe tenderë për shërbime e investime që janë kryer më parë, siç është rasti i tenderit që përmendëm më sipër apo ky i “monitorimit mjedisor”.
Një tender tjetër fiktiv me vlerë mbi gjysmë miliardë lekë, ka përforcuar bindjen se drejtori i KESH, Ergys Verdho fut duart në fondet publike, duke u fshehur pas procedurave të cilat i urdhëron dhe i sajon vetë.
Tenderi që ka sajuar ishte me objekt: “Ndërtimi i Sistemit i DMS dhe Arkivës Teknike të KESH”, me vlerë kontrate 503 milionë lekë me TVSH, nënshkruar më 17 janar 2023 me kompaninë “Communication Progress”.
Drejtori Ergys Verdho e ka shpikur tenderin sepse Sistemi i DMS dhe Arkiva Teknike e KESH ishin ndërtuar qysh në muajin qershor 2020 nga drejtori paraardhës me vlerë 210 milionë lekë dhe ishin në funksion të plotë.
Përveç raporteve të KLSH janë bërë edhe 12 kallëzime penale nga bizneset, që ndoshta po shfletohen nga SPAK-u për të krijuar bindjen, nëse është peshk i madh i korrupsionit?
Lexo edhe:Për beton dhe suva, Ergys Verdho i fal 1.3 MLD lekë Paqësor Buzit
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Qytetarët duhet t’i paguajnë KESH-it edhe ajrin që përdor për frymëmarrje Ergys Verdho dhe stafi i tij. Jo vetëm ajrin, por edhe ndotjet akustike dhe ato të ujit! Dhe këto para i fut në shpenzimet që ndikojnë më pas në llogaritjen e çmimit të energjisë elektrike. Kjo që zbulon sot Gijotina.com qenka një tender Copy Paste, që e bën çdo vit drejtori Ergys Verdho, me qëllim përvetësimin e një fondi për asgjë.
Eh, mund të tingëllojë pak çuditshëm, por qeveria me paratë tona ushqen KESH, që gjithmonë del me humbje se Verdho i shpërdoron lekët në këto forma.
Këtë herë drejtori ka aktivizuar tenderin me objekt “Monitorimi i treguesve mjedisor në njësitë e prodhimit”. Në dokumentet e siguruara nga Gijotina.com tregohet se 60 milionë lekë (pa TVSH) do t’i jepen një kompanie private që të bëjë monitorimin në ajër për CO, CH4, O2, H2S. Matje e ndotjes akustike, matje e ndotjes së ujit, matje që në fakt janë një rutinë që duhet ta bëjë vetë korporata, se ka staf organik që paguhet për sigurinë në vendin e punës. Kjo punë është 8 ditë dhe kryhet një herë në vit.
Po pse more zoti Ergys, do të thotë ndonjë lexues, nuk merrni një epruvetë me ujë dhe ta çoni në laborator t’i bëni analizat?
Po merrni edhe ca tullumbace me ajër dhe dërgojini tek laboratori dhe paguajeni faturën e analizave si për çdo shërbim tjetër. E po, duhen përvetësuar këto 60 milionë lekë bashkë me miqtë biznesmenë. Për ta mbuluar zullumin bëhet një tender!
Afati për dorëzimin e ofertave dhe zhvillimin e tenderit të “analizimit të ajrit” ishte parashikuar për ditën e sotme, por kjo nuk do të ndodhi për shkak se procesi është denoncuar në Komisionin e Prokurimeve Publike. Dy kompani kanë bërë ankesa veç e veç për këtë prokurim dhe të dyja konstatojnë abuzim dhe manipulim.
Më datë 21 nëntor 2023 është bërë denoncimi nga firma “Tenuis Laboratories” ose ish- Noval në pronësi të Petrit Mahos.
Ai shprehet se në pikën ku kërkohet monitorimi i gazrave në ajër, KESH ka vendosur kritere të pabazuara në ligj, madje disa prej pikave nuk qëndrojnë as duke i parë në logjikën e thjeshtë, dhe jo më nga shqyrtimi i një eksperti.
Po ku ka logjikë Ergysi, kur vjen puna tek paratë e tenderit?!
Maho thekson se vendosja e kritereve për fushën e matjes është marrë ‘copy paste’ nga Qendra e Monitorimit të Mjedisit dhe prandaj del në kundërshtim të plotë me procedurën dhe gjithë përmbajtjen e tenderit. Në përfundim ai kërkon që KESH të ketë të paktën 1 ekspert mjedisor në stafin e tij.
Nëse kjo pikë e ankesës vërtetohet, edhe nga KPP, do të thotë se situata është shumë alarmante dhe duhen marra masa urgjentisht, sepse korporata qenka mbushur me të paaftë.
Nuk e kuptojmë pse Verdho dhe Maho janë prishur në “pazar”, por ankesa po nxjerr zbuluar të palarat e drejtorit të KESH.
Në fakt, Maho prej kohësh fiton tenderë nga korporata KESH, por edhe nga institucione të tjera.
Kujtojmë se në shtator të viti 2019, përmes kompanisë “Noval” Petrit Maho arriti të nxirrte jashtë loje Autoritetin Kombëtar të Ushqimit, institucioni përgjegjës për sigurinë ushqimore në vend. Nga një kontratë e nënshkruar nga Ministri i Bujqësisë asaj kohe Blendi Çuçi, Noval mori përsipër që të kryejë analizat e mostrave ushqimore. Konkretisht bëhet fjalë për Urdhrin nr. 524 të miratuar me 23 shtator 2019 , në bazë të të cilit autorizonte kompaninë shqiptare “Noval” për të kryer analizat e mostrave ushqimore, të cilat merreshin gjatë kontrolleve në terren nga ana e inspektorëve shtetërorë të Autoriteti Kombëtar të Ushqim.
Kështu ka ndodhur edhe me monitorime të mëparshme që ka bërë KESH, por Maho ka qenë gjithmonë “mirëkuptues”.
Ana tjetër e skandalit të KESH me këtë tender
Në të njëjtën ditë është bërë një denoncim edhe nga firma ECCAT shpk, në pronësi të Luan Ballabanit. Në ankesën e dorëzuar përfaqësuesi i firmës shprehet se KESH ka vendosur kritere diskriminuese që as nuk përputhen me objektivin e tenderit dhe shkelin ligjin. Ouu! A i bën Ergysi këto gjëra (vepra penale: shkelje e barazisë në tenderë)?
Sipas kompanisë, drejtori Verdho kërkon certifikime dhe vërtetime që janë jashtë kuadrit ligjor dhe hidhen dyshime që as vetë stafi i KESH që harton tenderët nuk i ka parë se çfarë kriteresh ka vendosur.
Kështu bëhet ankesa e dytë që vë në dukje se në çfarë mënyrë antiligjore është hartuar tenderi. Kuptohet se letrat janë bërë nxitimthi me qëllim përvetësimin e këtyre parave në bashkëpunim me ndonjë biznesmen të paracaktuar dhe të privilegjuar.
Bëmat e drejtorit Verdho
Sipas KLSH, kur Ergys Verdho ishte drejtor te Rrugët i zhvati shtetit 630 milionë Euro me tenderë fiktivë e fonde disa herë më të shtrenjtë se kostoja reale e projekteve. Ndërsa qysh prej muajit qershor 2021 në krye të KESH-it po vazhdon shpërdorimet me shitblerjen e energjisë dhe tenderë për shërbime e investime që janë kryer më parë, siç është rasti i tenderit që përmendëm më sipër apo ky i “monitorimit mjedisor”.
Një tender tjetër fiktiv me vlerë mbi gjysmë miliardë lekë, ka përforcuar bindjen se drejtori i KESH, Ergys Verdho fut duart në fondet publike, duke u fshehur pas procedurave të cilat i urdhëron dhe i sajon vetë.
Tenderi që ka sajuar ishte me objekt: “Ndërtimi i Sistemit i DMS dhe Arkivës Teknike të KESH”, me vlerë kontrate 503 milionë lekë me TVSH, nënshkruar më 17 janar 2023 me kompaninë “Communication Progress”.
Drejtori Ergys Verdho e ka shpikur tenderin sepse Sistemi i DMS dhe Arkiva Teknike e KESH ishin ndërtuar qysh në muajin qershor 2020 nga drejtori paraardhës me vlerë 210 milionë lekë dhe ishin në funksion të plotë.
Përveç raporteve të KLSH janë bërë edhe 12 kallëzime penale nga bizneset, që ndoshta po shfletohen nga SPAK-u për të krijuar bindjen, nëse është peshk i madh i korrupsionit?
Lexo edhe:Për beton dhe suva, Ergys Verdho i fal 1.3 MLD lekë Paqësor Buzit
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
