Gjykata e Apelit vendosi sot lirimin e ish-anëtarit të UÇK-së, Dritan Goxhaj, vendim ky që është mirëpritur jo vetëm nga Goxhaj, por edhe shumë qytetarë.
Në reagimin e parë për mediat pas lirimit nga burgu, Goxhaj tha se lirinë nuk e kishim humbur asnjëherë, as unë as Uçk dhe as ata të tjerët që janë në Hagë.
“Kjo ishte tentativë për të na trembur e për të na thënë e mbushur mendjen se nuk ishim në rrugë të drejtë. Sot arritëm tju tregojmë sërish se jemi në rrugën e drejtë dhe kemi luftuar drejtë”, shprehet ai.
Apeli ka refuzuar ekstradimin e Goxhajt në Hagë, duke rrëzuar vendimin e Shkalles së Parë. Goxhaj ka kundërshtuar përmes mbrojtjes akuzat ndaj tij. Goxhaj, i arrestuar për llogari të Gjykatës Speciale, akuzohet për kryerjen e veprave penale “Frikësimi gjatë procedurës penale” dhe “Pengimi i personit zyrtar në kryerjen e detyrave zyrtare”, parashikuar nga legjislacioni penal i Republikës së Kosovës.
The post Apeli nuk lejoi ekstradimin, Goxhaj: Donin të na trembin, por… appeared first on 27.
