Analiza 9-mujore e institucionit të prefektit të qarkut në Berat Fadil Nasufi ka risjellë në vëmendje gjendjen shumë të rënduar të disa godinave të shkollave në këtë qark.
Nasufi, njëkohësisht ish-kryebashkiak i Beratit tha se në shumë shkolla viti mësimor ka nisur me godina të palyera, të padizinfektuara pasi specialistët nuk shkojnë në terren për të parë nga afër situatën.
Nasufi: “Kemi shkolla që nuk krahasohen me vitin 1945, që kur ka filluar reforma e parë e analfabetizmit në Shqipëri.
Për pretendimet e ngritura nga institucioni i prefektit, burime pranë bashkisë së Beratit që drejtohet nga Petrit Sina i LSI thonë se situata e godinave të shkollave ka qenë edhe më e keqe më parë. Por njësia e re vendore thotë se bashkia gjatë këtij viti shkollor ka marrë masa me rikonstruksionin e disa godinave si Shkolla “1 Maji”, kopshti “Çlirim 2” etj.”
