“Ne do të bëjmë ndarjen përfundimtare të së ardhmes nga e shkuara, për ne nuk ka bashkëfajtorë dhe bashkëvuajtës”, u shpreh Lulzim Basha gjatë një takimi me demokratë të degës nr 4 në Tiranë, nga ku tha se PD do të rikthehet në vendin që i ka dhënë historia dhe shqiptarët, sigurisht në një aleancë të fortë me SHBA, Britaninë e Madhe dhe BE.
Duke theksuar se jemi shumë të vonuar në procesin e rinovimit të parties, Basha pranoi se ka përgjegjësinë e tij, sikundër theksoi se “ne ndahemi nga mentaliteti i turmës, ku fajet bëhen kolektive për t’i ikur përgjegjësisë”.
“Ata që shkelin ligjin dhe abuzojnë me pushtetin janë thjesht fajtorë. Vetting-u i politikanëve është kontributi më i rëndësishëm që gjithkush që e konsideron veten të pastër mund të japë për një politikë të pakorruptuar dhe inkriminuar, që i jep fund politikës së përbaltjes.
Kjo përballje nuk është aspak e lehtë. Ata kanë kaluar 32 vjet me pushtet dhe janë bashkë për të ruajtuar status quo-në. Por, siç e dëshmon historia, atëherë kur duken më të fortë, perandoria e tyre shembet më shpejt”, theksoi Basha, duke iu referuar kështu Edi Ramës dhe Sali Berishës, edhe pse iu shmang përmendjes së emrave.
Basha, duke ofruar modelin e tij, tha se do të jetë politikani që problemet personale të pushtetit, nuk i kthen në problemin e partisë, aq më pak të Shqipërisë.
“Modelin e kam dhënë edhe gjatë kësaj kohe, teksa shumëkush nuk ka qenë dakord, unë nuk i jam përgjigjur baltës me baltë. Në fund të fundit, ky është modeli që refuzojnë shqiptarët dhe nga i cili përfiton kundërshtari ynë”, tha Basha.
“Ne do të bëjmë ndarjen përfundimtare të së ardhmes nga e shkuara, për ne nuk ka bashkëfajtorë dhe bashkëvuajtës”, u shpreh Lulzim Basha gjatë një takimi me demokratë të degës nr 4 në Tiranë, nga ku tha se PD do të rikthehet në vendin që i ka dhënë historia dhe shqiptarët, sigurisht në një aleancë të fortë me SHBA, Britaninë e Madhe dhe BE.
Duke theksuar se jemi shumë të vonuar në procesin e rinovimit të parties, Basha pranoi se ka përgjegjësinë e tij, sikundër theksoi se “ne ndahemi nga mentaliteti i turmës, ku fajet bëhen kolektive për t’i ikur përgjegjësisë”.
“Ata që shkelin ligjin dhe abuzojnë me pushtetin janë thjesht fajtorë. Vetting-u i politikanëve është kontributi më i rëndësishëm që gjithkush që e konsideron veten të pastër mund të japë për një politikë të pakorruptuar dhe inkriminuar, që i jep fund politikës së përbaltjes.
Kjo përballje nuk është aspak e lehtë. Ata kanë kaluar 32 vjet me pushtet dhe janë bashkë për të ruajtuar status quo-në. Por, siç e dëshmon historia, atëherë kur duken më të fortë, perandoria e tyre shembet më shpejt”, theksoi Basha, duke iu referuar kështu Edi Ramës dhe Sali Berishës, edhe pse iu shmang përmendjes së emrave.
Basha, duke ofruar modelin e tij, tha se do të jetë politikani që problemet personale të pushtetit, nuk i kthen në problemin e partisë, aq më pak të Shqipërisë.
“Modelin e kam dhënë edhe gjatë kësaj kohe, teksa shumëkush nuk ka qenë dakord, unë nuk i jam përgjigjur baltës me baltë. Në fund të fundit, ky është modeli që refuzojnë shqiptarët dhe nga i cili përfiton kundërshtari ynë”, tha Basha.
