Sulmuesi nuk lejohet të udhëtojë me skuadrën, ndërkohë që konfirmohet se nuk do të jetë më pjesë e Italisë, duke filluar që nga ndeshja e ardhshme në transfertën e Shkupit
Pas xhestit të bërë ndaj trajnerit Ventura, duke refuzuar t’I shtrëngonte dorën e zgjatur në momentin e zëvendësimit, Graciano Pele është përjashtuar nga Kombëtarja e Italisë. Madje pas ndeshjes, sulmuesi nuk u lejua as të hipte për të udhëtuar së bashku me skaudrën, në autobuzin që do t’i transportonte në qendrën stërvitore “Vinovo” dhe sigurisht që nuk do të jetë pjesë e ekipit për ndeshjen e rradhës ndaj Maqedonisë. Ndërkohë që ka një komunikatë edhe nga Federata Italiane e Futbollit, ku thelbi ishte: “Kjo kombëtare ka vlera dhe sjellje të bazuara tek respekti”… dhe kështu që Pele mund t’i bashkohet që sot klubit të tij.
