Kur vjen çështja tek faturat, bashkia kujdeset që ujësjellësi të ketë sistemin më të mirë, por nuk shqetësohet për të rregulluar furnizimin me ujë të qytetarëve. Fiks dy ditë para zgjedhjeve kryetari i bashkisë, Ilir Xhakolli, ka bërë një lëvizje të tillë që do t’i kushtojë 118 milionë lekë shtesë taksapaguesve në Pogradec. Se nuk mjaftojnë faturat e majme të ujit dhe dritave. Theksojmë se ndërmarrja e ujësjellësit është në varësi të bashkisë dhe nën kujdesin direkt të Xhakollit.
Shoqëria Rajonale Pogradec ka lidhur një kontratë më datë 12 maj 2023 me objekt “Blerje sistem faturimi dhe arkëtimi” me fond limit 118 milionë lekë. Gara për këtë tender është hapur që me 30 mars 2023, por Xhakolli u kujtua në prag votimesh të shpallë fituesin, sepse i duheshin marrëveshje të tilla për fushatë.
Por, teksa është nxituar që të mbyllë pazarin para zgjedhjeve se më pas nuk i dihej, nëse do të rimerrte postin, Xhakolli ka bërë një sërë shkeljesh në prokurim. Së pari, ia ka dhënë tenderin firmës së vetme që paraqiti ofertë. Kompania KREATX me ofertës 112 milionë lekë u shpall fituese pa garë fare, më saktë tenderi ka qenë i paracaktuar për të.
Skandali tjetër është se kjo firmë fiktivisht rezulton në pronësi të Enor Nakuçit dhe Lejdi Koçit. Por, pas saj në të vërtetë fshihet vëllai i Damian Gjiknurit.
Panajot Gjiknuri është përfolur se është menaxher de facto i një konsorciumi kompanish ku bën pjesë edhe Kreatx, e cila fiton shumë tenderë nga AKSHI. Edhe kur AKSHI nuk arrin ta nxjerrë fituese këtë kompani, Gjiknuri ka përkrahjen e kryetarit të Komisionit të Prokurimit Publik Jonaid Myzyri. Ndërsa në raste të tjera si kjo në Pogradec, Panajotit i bëhet gati fitorja qysh në hartimin e tenderit.
Kështu, për hir të miqësisë dhe vjedhjeve nga qeveritarët, qytetarët do të paguajnë këto para shtesë përveç faturave. Ndërsa kujtojmë se jo më larg se në janar të këtij viti, qytetarët në Pogradec dhe fshatrat përreth mbetën gati një javë pa ujë të pijshëm. Sepse një firmë private kishte dëmtuar tubacionet.
Dhe bashkia u kujtua vetëm pas denoncimit në media të riparonte tubat. Ndërsa për të mbledhur lekët nuk harron asnjë ditë. Madje zhvillon këto afera për të vjedhur edhe më shumë.
Lexo edhe: Kandidati i Bashkë Fitojmë në Pogradec: Administrata bën presion
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Kur vjen çështja tek faturat, bashkia kujdeset që ujësjellësi të ketë sistemin më të mirë, por nuk shqetësohet për të rregulluar furnizimin me ujë të qytetarëve. Fiks dy ditë para zgjedhjeve kryetari i bashkisë, Ilir Xhakolli, ka bërë një lëvizje të tillë që do t’i kushtojë 118 milionë lekë shtesë taksapaguesve në Pogradec. Se nuk mjaftojnë faturat e majme të ujit dhe dritave. Theksojmë se ndërmarrja e ujësjellësit është në varësi të bashkisë dhe nën kujdesin direkt të Xhakollit.
Shoqëria Rajonale Pogradec ka lidhur një kontratë më datë 12 maj 2023 me objekt “Blerje sistem faturimi dhe arkëtimi” me fond limit 118 milionë lekë. Gara për këtë tender është hapur që me 30 mars 2023, por Xhakolli u kujtua në prag votimesh të shpallë fituesin, sepse i duheshin marrëveshje të tilla për fushatë.
Por, teksa është nxituar që të mbyllë pazarin para zgjedhjeve se më pas nuk i dihej, nëse do të rimerrte postin, Xhakolli ka bërë një sërë shkeljesh në prokurim. Së pari, ia ka dhënë tenderin firmës së vetme që paraqiti ofertë. Kompania KREATX me ofertës 112 milionë lekë u shpall fituese pa garë fare, më saktë tenderi ka qenë i paracaktuar për të.
Skandali tjetër është se kjo firmë fiktivisht rezulton në pronësi të Enor Nakuçit dhe Lejdi Koçit. Por, pas saj në të vërtetë fshihet vëllai i Damian Gjiknurit.
Panajot Gjiknuri është përfolur se është menaxher de facto i një konsorciumi kompanish ku bën pjesë edhe Kreatx, e cila fiton shumë tenderë nga AKSHI. Edhe kur AKSHI nuk arrin ta nxjerrë fituese këtë kompani, Gjiknuri ka përkrahjen e kryetarit të Komisionit të Prokurimit Publik Jonaid Myzyri. Ndërsa në raste të tjera si kjo në Pogradec, Panajotit i bëhet gati fitorja qysh në hartimin e tenderit.
Kështu, për hir të miqësisë dhe vjedhjeve nga qeveritarët, qytetarët do të paguajnë këto para shtesë përveç faturave. Ndërsa kujtojmë se jo më larg se në janar të këtij viti, qytetarët në Pogradec dhe fshatrat përreth mbetën gati një javë pa ujë të pijshëm. Sepse një firmë private kishte dëmtuar tubacionet.
Dhe bashkia u kujtua vetëm pas denoncimit në media të riparonte tubat. Ndërsa për të mbledhur lekët nuk harron asnjë ditë. Madje zhvillon këto afera për të vjedhur edhe më shumë.
Lexo edhe: Kandidati i Bashkë Fitojmë në Pogradec: Administrata bën presion
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
